Somos veciños comprometidos coa vila, escoitando e atendendo cada día as necesidades de cada un. A nosa traxectoria é a garantía dun traballo constante e próximo.
O futuro de Cangas en cada proposta
Xestión eficaz, servizos dignos e futuro urbano
Traballamos por un Concello resolutivo, con rigor orzamentario e planificación estratéxica. É momento de desbloquear o desenvolvemento urbanístico responsable, modernizar as infraestruturas básicas e garantir un mantemento público continuo que responda con eficacia ás necesidades reais do noso municipio.
Equilibrio real en todas as parroquias
Investimentos xustos e servizos básicos de calidade para Aldán, O Hío, Darbo, Coiro e o centro urbano, mellorando a mobilidade, os viais e os espazos públicos comunitarios.
Proximidade, escoita activa e transparencia
Un Concello de portas abertas e atención directa, comprometido en resolver con axilidade e sentido común os problemas cotiáns da nosa veciñanza.
Impulso ao comercio, emprego e sector do mar
Cangas debe ser sinónimo de oportunidade e crecemento. Defendemos e apoiamos firmemente ao noso sector pesqueiro, marisqueiro e bateeiro, fortalecemos o comercio de proximidade e a hostalaría, e impulsamos un modelo turístico de calidade e sostible que xere riqueza e emprego durante todo o ano.